മരങ്ങൾ ചെടികൾ

പ്രൂൺ ചെയ്ത ചെടികളും മരങ്ങളും
സ്ട്രൈറ്റൻ ചെയ്തു വെട്ടി നിർത്തിയ മുടി പോലെയാണ്
കണ്ടാൽ എനിക്ക് തലവേദന വരും
മരങ്ങളും ചെടികളും
പൂത്തു തളിർത്തു ശാഖകൾ വിടർത്തി
വള്ളികൾ പിണച്ച് പന്തലിച്ചു
നിൽക്കണം
വേരുകൾ പടർത്തി
വെള്ളം കുടിച്ചു
വെണ്ണതോൽക്കുമുടലുകളാവണം
ചുവന്നു തുടുത്തു പൂത്തുലഞ്ഞു
നിൽക്കുന്ന ബോഗൻവില്ല മരങ്ങളെപ്പോലും നോക്കൂ
ചുവപ്പു മൂക്കുത്തിയിട്ട്
ചുണ്ടുചുവപ്പിച്ചു കൊതിപ്പിക്കുന്നവളാണവൾ
വെട്ടിനിർത്തിയ വെറും കടലാസു പൂവല്ലവൾ