പ്രണയത്തിന്റെ വേദാന്തം

An attempt to translate the poem, Love's Philosophy by P B Shelley
അരുവികൾ പുഴകളിൽ മുങ്ങിക്കുളിക്കുന്നു
പുഴകളോ സിന്ധുവിൽ തന്നേ ലയിക്കുന്നു
സ്വർഗത്തിൽ പാറിക്കളിക്കുന്ന മാരുതൻ
മാധുര്യമേറും വികാരത്തിൽ മുങ്ങുന്നു
പൂതമാം നീതിയാലെങ്ങും കലരുന്നു-
ണ്ടൂഴിയിലാത്മാക്കൾ തമ്മിൽ തമ്മിൽ
പിന്നെ ഞാൻ നിന്നോടു ചേരുവാൻ
എന്തൊരു സന്ദേഹം ഇന്നു വന്നീടുവാൻ

ഉന്നതം നാകത്തിനുമ്മ വച്ചീടുന്നുണ്ടു -
ത്തുംഗമാം മഹാമേരുക്കളും
തങ്ങളിൽ തങ്ങളിൽ തല്ലിക്കലർന്നിട്ടു
തുള്ളിക്കളിക്കുന്നുണ്ടോളങ്ങളും
ഭ്രാതൃനിരാസം ഭൂഷണമാകുമോ
ഭാസുരമാമേതു പെൺപൂവിനും
സൂര്യന്റെ രശ്മികൾ പുൽകുന്നു ഭൂമിയെ
ഉമ്മവെയ്ക്കുന്നൂ സമുദ്രത്തെ, ചന്ദ്രിക
മാധുര്യമേറുമീയോരോ പ്രവൃത്തിയും
വ്യർത്ഥമാം, നീയെന്നെ ഉമ്മവെച്ചീടായ്കിൽ

Love’s Philosophy

BY PERCY BYSSHE SHELLEY

The fountains mingle with the river

   And the rivers with the ocean,

The winds of heaven mix for ever

   With a sweet emotion;

Nothing in the world is single;

   All things by a law divine

In one spirit meet and mingle.

   Why not I with thine?—

See the mountains kiss high heaven

   And the waves clasp one another;

No sister-flower would be forgiven

   If it disdained its brother;

And the sunlight clasps the earth

   And the moonbeams kiss the sea:

What is all this sweet work worth

   If thou kiss not me?

വേനൽ മഴ

വേനൽ മഴ 

പുളിമരം കാത്തുനിൽക്കുകയായിരുന്നു
ഉമ്മയിൽ, പക്ഷേ തീ പാറി
കരുവാളിച്ചു പോയി പാവം
പുളിച്ച തെറിയാണ് തികട്ടിയത്

ഉരുണ്ടിരുണ്ട്
മുട്ടിയുരുമ്മി
ഒരുങ്ങി വന്നപ്പോഴേക്കും
ദാ കഴിഞ്ഞു, കഷ്ടം 

ലോക്ക് ഡൗൺ അഥവാ ഒരൊറ്റ ഇന്ത്യ

വാട്സാപ്പിൽ പുളച്ചുമറിയുന്ന
നെയ്യപ്പങ്ങൾ,
ടാറിൽ പൊരിച്ചെടുത്ത
കാല്പാദങ്ങൾ.
ബക്കറ്റ് ചിക്കൻ,
നീറി വെന്തു പോയ നെഞ്ഞകം.
ഭക്ഷണക്കിറ്റുകൾ,
മനസ്സിൽ വിത്തിട്ട, മുഖത്തു
വിളഞ്ഞ ദൈന്യം.
നിങ്ങളുടെ തിളക്കം മങ്ങിയ തറകൾ, പാത്രങ്ങൾ-
കരുവാളിച്ച ഞങ്ങളുടെ കുടലുകൾ.
ടെലിവിഷനിലെ മഹാഭാരതം,
ഞങ്ങളുടെ മഹാപ്രസ്ഥാനം!
വസുധൈവ കുടുംബകം.

മരങ്ങൾ ചെടികൾ

പ്രൂൺ ചെയ്ത ചെടികളും മരങ്ങളും
സ്ട്രൈറ്റൻ ചെയ്തു വെട്ടി നിർത്തിയ മുടി പോലെയാണ്
കണ്ടാൽ എനിക്ക് തലവേദന വരും
മരങ്ങളും ചെടികളും
പൂത്തു തളിർത്തു ശാഖകൾ വിടർത്തി
വള്ളികൾ പിണച്ച് പന്തലിച്ചു
നിൽക്കണം
വേരുകൾ പടർത്തി
വെള്ളം കുടിച്ചു
വെണ്ണതോൽക്കുമുടലുകളാവണം
ചുവന്നു തുടുത്തു പൂത്തുലഞ്ഞു
നിൽക്കുന്ന ബോഗൻവില്ല മരങ്ങളെപ്പോലും നോക്കൂ
ചുവപ്പു മൂക്കുത്തിയിട്ട്
ചുണ്ടുചുവപ്പിച്ചു കൊതിപ്പിക്കുന്നവളാണവൾ
വെട്ടിനിർത്തിയ വെറും കടലാസു പൂവല്ലവൾ

ഒരു രാത്രിയാത്ര

ഒരു രാത്രിയാത്ര

കെ വിനോദ് കുമാർ

വാക്കുകൾ പെയ്തു കൊണ്ടിരിക്കവേ,

എസി യുടെ കുളിർ നിറഞ്ഞു

മൗനം ഇഴഞ്ഞിഴഞ്ഞിടയിൽ കയറി.

ചുരം കയറുമ്പോൾ

കൈകൾ തൊട്ടിരുന്നൂ അവർ.

രാവിലെ ബസ് സ്റ്റാൻഡിൽ,

രണ്ട് അജ്ഞാതർ തന്നെയായി, വീണ്ടും.

അവൾ ഫ്ലാറ്റിൽ

വേണ്ടായിരുന്നു വേണ്ടായിരുന്നു എന്ന്

കൂട്ടുകാരിയോട്  ഓക്കാനിച്ചു കൊണ്ടേയിരുന്നു .

അവൻ, ഉറങ്ങുന്ന കൂട്ടുകാരനെ

ഇക്കിളിയാക്കി ഉണർത്തി പൊടിപ്പും തൊങ്ങലും വെച്ചു.

അനന്തരം,

നാശകോശമാക്കിയല്ലോടാ എന്ന് രണ്ടാളും

പൊട്ടിച്ചിരിച്ചു കൈകഴുകി. 

പാഴ്നിലങ്ങൾ

ടി എസ് ഏലിയറ്റിന്റെ വേസ്റ്റ്  ലാൻഡ് എന്ന കവിതയുടെ കുറച്ചു വരികൾ തർജ്ജമ ചെയ്യാൻ ശ്രമിച്ചിരിക്കുന്നു. മലയാളത്തിൽ തീർച്ചയായും ഇതിന്റെ പരിഭാഷ ഉണ്ടാവും. ഇത് എന്റെ ഒരു കൗതുകം മാത്രം.

പാഴ്നിലങ്ങൾ

ശവമടക്ക്

ചത്ത നിലങ്ങളിൽ വയമ്പുകൾ

പൊന്തുന്ന,

ഓർമയും തൃഷ്ണയും ഒരുമിക്കുന്ന,

വസന്തവർഷത്തിൽ,

പട്ട വേരുകൾ ഇളകിതുള്ളിക്കുന്ന,

ഏപ്രിൽ, ക്രൂരതയുടെ  മാസമാകുന്നു.

ഭൂമിയെ മറവിയുടെ മഞ്ഞു പുതപ്പിച്ച്,

കുഞ്ഞു ജീവനെ വരണ്ട  കിഴങ്ങുകളാൽ ഊട്ടി,

ഹേമന്തം ഞങ്ങൾക്ക് ചൂടു പകർന്നു.

തടാകത്തിന്ന് മുകളിലൂടെ,

ഒരു മഴച്ചൊരിച്ചിലായ് ,

വേനൽ ഞങ്ങളേ അതിശയിപ്പിച്ചു.

തൂണുകൾക്കിടയിൽ ഒതുങ്ങി,

ഉദ്യാനത്തിലെ സൂര്യവെളിച്ചത്തിലേക്ക് ഞങ്ങൾ നീങ്ങി;

കാപ്പി കുടിച്ച് ഒരു മണിക്കൂർ മിണ്ടിപ്പറഞ്ഞു.

ഞങ്ങൾ കുഞ്ഞുങ്ങളായിരുന്നപ്പോൾ,

ബംഗ്ലാവിനുള്ളിൽ നിന്ന്,

ഉന്തുവണ്ടിയിൽ  അവൻ എന്നെ

പുറത്തു കൊണ്ട് പോയി.

അരണ്ട എന്നോട് അവൻ പറഞ്ഞു:

"മരിയാ, നീ എന്നെ മുറുകെ പിടിച്ചോളൂ."

എന്നിട്ട്, ഞങ്ങൾ താഴേക്ക്....

നമ്മൾ സ്വതന്ത്രരാവുന്ന മലകളിലേക്ക് പോയി.

 I. The Burial of the Dead

  April is the cruellest month, breeding

Lilacs out of the dead land, mixing 

Memory and desire, stirring 

Dull roots with spring rain. 

Winter kept us warm, covering 

Earth in forgetful snow, feeding 

A little life with dried tubers. 

Summer surprised us, coming over the Starnbergersee 

With a shower of rain; we stopped in the colonnade, 

And went on in sunlight, into the Hofgarten, 

And drank coffee, and talked for an hour. 

Bin gar keine Russin, stamm’ aus Litauen, echt deutsch. 

And when we were children, staying at the arch-duke’s, 

My cousin’s, he took me out on a sled, 

And I was frightened. He said, Marie, 

Marie, hold on tight. And down we went. 

In the mountains, there you feel free. 

Fondness

Fools mountain tiny things
Bleed on the way,
And, you laugh at!
Cry, when they cry;
Laugh, when they laugh
And, you laugh at!
I didn’t ask…….
But you should have asked me,
ഈസ്‌ my right and belief
And, you laugh at!