ഒരു രാത്രിയാത്ര

ഒരു രാത്രിയാത്ര

കെ വിനോദ് കുമാർ

വാക്കുകൾ പെയ്തു കൊണ്ടിരിക്കവേ,

എസി യുടെ കുളിർ നിറഞ്ഞു

മൗനം ഇഴഞ്ഞിഴഞ്ഞിടയിൽ കയറി.

ചുരം കയറുമ്പോൾ

കൈകൾ തൊട്ടിരുന്നൂ അവർ.

രാവിലെ ബസ് സ്റ്റാൻഡിൽ,

രണ്ട് അജ്ഞാതർ തന്നെയായി, വീണ്ടും.

അവൾ ഫ്ലാറ്റിൽ

വേണ്ടായിരുന്നു വേണ്ടായിരുന്നു എന്ന്

കൂട്ടുകാരിയോട്  ഓക്കാനിച്ചു കൊണ്ടേയിരുന്നു .

അവൻ, ഉറങ്ങുന്ന കൂട്ടുകാരനെ

ഇക്കിളിയാക്കി ഉണർത്തി പൊടിപ്പും തൊങ്ങലും വെച്ചു.

അനന്തരം,

നാശകോശമാക്കിയല്ലോടാ എന്ന് രണ്ടാളും

പൊട്ടിച്ചിരിച്ചു കൈകഴുകി.